02.10.2019 15:56

İşıqlandırma ölçməsi

Ölçü
A+ A- A

İşıqlandırma ölçməsi necə həyata keçirilir?

İş yerində işıqlandırma səviyyəsi standartlar çərçivəsində maksimum və minimum hədlər arasında olmalıdır. İşığın ölçülməsi ixtisaslı mütəxəssis tərəfindən yoxlanılmalıdır.

İşıqlandırma ölçülməsi müəssisələrin işıq intensivliyinin uyğunluğunu müəyyənləşdirmək üçün həyata keçirilən bir sınaqdır. Müəssisələr sektora və iş şəraitinə uyğun olaraq düzgün işıqlandırılmalıdır.

 

İşıqlandırma səviyyəsi birbaşa iş həyatımıza təsir göstərir. Kadrların iş performansı bu təsirlərin başında gəlir. İşıqlandırma səviyyəsinin vacibliyini izah etsək:

  • Pərakəndə sektorda, məhsulun rəfdəki ekran keyfiyyətinə və paralel olaraq müştəri məmnuniyyətinə birbaşa təsir göstərir. Mağazada müştərinin qalma müddətini dəyişdirir.
  • Fabriklərdə istehsalın səmərəliliyinə birbaşa təsir göstərir. İş təhlükəsizliyi üçün son dərəcə vacibdir.
  • Bank sektorunda və ofis mühitində işçilərin diqqət səviyyəsinə birbaşa təsir göstərir.
  • Xəstəxanalarda xəstə psixologiyası baxımından çox əhəmiyyətlidir. Xəstəxana işçiləri ilə xəstə arasındakı ünsiyyətdə və işlərin keyfiyyətli davam etdirilməsində vacib amildir.

İşıqlandırma səviyyəsinin ölçülməsi səlahiyyətli mühəndislərin nəzarəti altında mütəxəssislər tərəfindən aparılmalıdır.

İşıqlandırma ölçmələri luxmetr vasitəsilə aparılır. Cihaz səlahiyyətli laboratoriya tərəfindən kalibrlənməlidir.

Sınaq istənən şirkətin əvvəlcədən təyin edilmiş işıqlandırma intensivliyini ölçmə nöqtələri boş yerlərdə döşəmədən 80 sm məsafədədir. İstehsal müəssisələrində istehsal avadanlığının üzərində və ofislərdə masaların üzərində ölçülmə həyata keçirilir. Yəni, işıqlandırılmış yerdə test aparılır.

Gündüz ölçmə zamanı cihazın üzərinə birbaşa günəş işığının düşməməsi təmin edilməlidir. Ölçmələr müəssisələrin istəyinə uyğun olaraq gecə təkrarlanır.

Müəyyən edilmiş göstəricilər tələb olunan göstəricilərdən az olarsa, şirkətə xəbərdarlıq edilir və əlavə işıqlandırma sistemləri, reflektorların təmizlənməsi və açıq rəngli rəngləmə kimi təkliflər verilir.

 

mənbə: elektrikport.com